Enfeksyon Fonjik
(Mikoz)

Icon1

Enfeksyon Fonjik (Mikoz)

Yon enfeksyon fonjik ki rele tou enfeksyon levi oswa mikoz, kapab fòme nan pwent tete ou oswa nan tete ou. Kalite enfeksyon sa devlope nan lèt la epi fòme apati yon pwoliferasyon nan òganis Candida. Candida viv nan kò nou epi bakteri natirèl nan kò nou yo kenbe li an sante. Lè ekilib natirèl bakteri a deranje, Candida kapab pwolifere, epi lakòz yon enfeksyon.

Siy yon enfeksyon fonjik gen ladan:

  • Doulè nan pwent tete ki dire plis pase kèk jou, menm apre bebe w la fin gen yon bon priz
  • Pwent tete woz, avèk kal, ki briye, grate oswa ki fann
  • Pwent tete woz fonse ak boul
  • Tete douloure
  • Doulè trè pwofon nan tete pandan oswa apre alètman
  • Tach blanch nan bouch tibebe w la oswa yon kouch blanch nan lang tibebe w la

SA OU KAPAB FÈ:

Enfeksyon fonjik ka pran plizyè semèn pou li ale, kidonk, li enpòtan pou w swiv konsèy sa yo pou evite pwopagasyon enfeksyon an:

  • Chanje tanpon pou bay tete ki jetab yo souvan.
  • Lave nenpòt sèvyèt oswa twal ki gen kontak avèk levi a nan dlo trè cho (pi wo pase 122°F).
  • Mete yon soutyen pwòp chak jou.
  • Lave men ou souvan.
  • Lave men tibebe w la souvan, espesyalman si li tete dwèt li.
  • Netwaye sisèt, pwent tete ak jwèt yo ke tibebe w la mete nan bouch li.
  • Bouyi tout pati nan ponp lan ki touche lèt ou chak jou.
  • Asire ke lòt manm fanmi an pa gen mikoz oswa lòt enfeksyon fonjik. Si yo gen sentòm, asire yo trete.

Si ou menm oswa tibebe w la gen sentòm enfeksyon fonjik, rele founisè swen sante w ak founisè swen sante timoun ou an pou yo ka byen dyagnostike nou epi trete nou an menm tan. Sa pral anpeche youn pase enfeksyon an bay lòt.

Side-Lying-Hold

POZISYON KOUCHE SOU KOTE

  1. Pou tete dwat la, kouche sou bò dwat ou avèk tibebe w la ki ba w fas.
  2. Rale tibebe w la toupre w. Bouch tibebe w la ta dwe nan nivo pwent tete w.
  3. Nan pozisyon sa, ou ka bèse do tibebe w la avèk bra gòch epi soutni tèt ou avèk bra dwa ou ak/oswa zòrye yo.
  4. Kenbe gwo rad ak rad kabann yo lwen tibebe w la.
  5. Chanje pou tete gòch la.

Pozisyon sa itil lè:

  • Ou te gen yon sezaryèn
  • Ou vle repoze pandan w ap bay tibebe a tete.
  • W ap bay tete nan mitan lannuit.
  • Ou menm ak tibebe w la konfòtab nan pozisyon sa
cross-cradle-hold-1

POZISYON TRANSVÈSAL

  1. Pou tete dwat la, itilize bra goch ou pou kenbe tèt tibebe w la nan tete dwat ou ak kò bebe a nan direkyon bò gòch ou. Yon zòrye sou janm ou ka ede sipòte bra gòch ou.
  2. Mete men gòch ou dousman dèyè zòrèy ak kou tibebe w la, kote pous ak endèks ou dèyè chak zòrèy epi pla men ou ant omoplat tibebe a. Vire kò tibebe a nan sans kò w pou vant ou yo ka ap touche.
  3. Kenbe tete ou tankou ou t ap peze yon sandwich. Pou pwoteje do w, evite bese nan direksyon tibebe w la. Olye de sa, rale tibebe w la sou ou.
  4. Pandan bouch tibebe w la ouvri, pouse dousman avèk pla men gòch ou sou tèt tibebe a pou ede li pran tete a. Asire ou kenbe dwèt ou yo lwen.
  5. Chanje pou tete gòch la.

Pozisyon sa itil lè:

  • Tibebe w la prematire
  • Tibebe w la souse fèb
  • Tibebe w la bezwen èd pou li rete nan tete a
  • Tibebe a la bezwen sipò anplis pou tèt
  • Ou menm ak tibebe w la konfòtab nan pozisyon sa a
Football-hold

POZISYON ANBREYAJ OSWA “FOUTBÒL AMERIKEN”

  1. Pou tete dwat la, kenbe nivo tibebe w la, fas devan sou kote dwat ou.
  2. Mete tèt tibebe w la toupre pwent tete w epi sipòte do li ak janm li anba bra dwat ou.
  3. Kenbe baz tèt tibebe w la avèk pla men dwat ou. Yon zòrye anba bra dwat ou ka ede sipòte pwa tibebe w la.
  4. Pou pwoteje do w, evite bese nan direksyon tibebe w la. Rale li vin jwenn ou pito.
  5. Chanje pou tete gòch la.

Pozisyon sa itil lè:

  • Ou te fè sezaryèn
  • Ou gen gwo tete
  • Ou gen pwent tete plat oswa envèse
  • Ou gen gwo kantite lèt ki desann
  • W ap bay jimo tete
  • Tibebe w la renmen manje nan pozisyon vètikal
  • Tibebe w la gen refliks
  • Ou menm ak tibebe w la konfòtab nan pozisyon sa a
CRADLE-HOLD​

POZISYON BÈSO

  1. Pou tete dwat la, bèse tibebe w la avèk bra dwat ou. Tibebe w la pral sou bò gòch li sou janm ou, fas li nan nivo pwent tete a.
  2. Tèt tibebe w la pral repoze sou avanbra dwat ou kote do tibebe w la ap nan pati pa anndan bra ak pla men ou.
  3. Vire vant tibebe w la nan direksyon vant ou. Men gòch ou lib pou sipòte tete w, si nesesè. Zòrye yo kapab ede sipòte bra ak koud ou.
  4. Pou pwoteje do w, evite bese nan direksyon tibebe w la. Olye de sa, rale tibebe w la sou ou.
  5. Chanje pou tete gòch la.

Pozisyon sa itil lè:

  • Tibebe w la bezwen èd pou li pran tete w
  • Ou menm ak tibebe w la konfòtab nan pozisyon sa
laid-back

POZISYON KAGE

  1. Panche pa dèyè sou yon zòrye kote vant tibebe w la touche pa w epi tèt li nan nivo bra a. Gen kèk manman ki twouve chita prèske drèt fonksyone byen. Lòt yo prefere panche dèyè epi kouche prèske plat.
  2. Ou ka mete machwè tibebe w la sou tete w oswa ou ka vle itilize yon men pou kenbe tete w toupre tibebe w la. Sa depann de ou ak sa ou santi ki mye a.
  3. Tibebe w la natirèlman ap jwenn pwent tete w epi kòmane souse.

Pozisyon kenbe sa itil lè:

  • Mete tibebe w la sou pwatrin ou touswit apre li fin fèt
  • Ou gen bonkou lèt k ap desann
  • Ou gen gwo tete
  • Ou menm ak tibebe w la konfòtab nan pozisyon sa