Skip to Content Skip to Footer
LiveWell WIC logo
Livewell Wic
  • Bay tete
  • English
  • Español

Enfeksyon tete (mastit)

  • Enfeksyon tete (mastit)
  • Bay tete
  • Defi ak Solisyon Komen sou Bay Tete
  • Enfeksyon tete (mastit)

Enfeksyon tete (mastit)

Mastit se yon enfeksyon nan tisi tete a

Ou ka santi se tankou yon kanal bouche, men avèk mastit la ou ka genyen tou:

  • Lafyèv
  • Frison
  • Doulè kòporèl
  • Kè plen
  • Vomisman
  • Dechaj jòn ki soti nan pwent tete a
  • Tete ki parèt sansib, tyèd swa cho pou w manyen
  • Tete ki parèt woz oswa wouj

Si ou pa santi ou mye nan 24 èdtan, kontakte founisè swen sante ou. Ou ka bezwen antibyotik.

SA OU KAPAB FÈ:

  • Kontinye bay tete
  • Enfeksyon an p ap fè tibebe w la mal
  • Bay tete nan tete ki enfekte a omwen chak de èdtan (oswa pi souvan)
  • Sa ap anpeche tete w vin twò plen
  • Aplike chalè sou tete w anvan chak alètman pou ede ak ejeksyon an epi soulaje doulè
  • Itilize yon tanpon chofaj oswa yon kouvèti elektrik nan tanperati ba
  • Mete yon sèvyèt cho sou tete ou
  • Pran yon douch oswa ben cho
  • Bwè anpil dlo epi repoze anpil
  • Mete yon soutyen ki sèvi w byen epi ki pa twò sere

Li sekiritè pou w bay tete si ou gen mastit. Enfeksyon an nan tisi tete w - li pa nan lèt ou!

LiveWell WIC program logo

Contact Us

USDA is an equal opportunity provider, employer, and lender.

Cookie PolicyAbout UsPrivacy PolicyTerms of Agreement

© Brush Art Corporation

  • Email
  • SMS
If you are using multiple emails, separate them with commas.

    SMS Communication Consent

    Share

    Share this link via:

    Side-Lying-Hold

    POZISYON KOUCHE SOU KOTE

    1. Pou tete dwat la, kouche sou bò dwat ou avèk tibebe w la ki ba w fas.
    2. Rale tibebe w la toupre w. Bouch tibebe w la ta dwe nan nivo pwent tete w.
    3. Nan pozisyon sa, ou ka bèse do tibebe w la avèk bra gòch epi soutni tèt ou avèk bra dwa ou ak/oswa zòrye yo.
    4. Kenbe gwo rad ak rad kabann yo lwen tibebe w la.
    5. Chanje pou tete gòch la.

    Pozisyon sa itil lè:

    • Ou te gen yon sezaryèn
    • Ou vle repoze pandan w ap bay tibebe a tete.
    • W ap bay tete nan mitan lannuit.
    • Ou menm ak tibebe w la konfòtab nan pozisyon sa
    cross-cradle-hold-1

    POZISYON TRANSVÈSAL

    1. Pou tete dwat la, itilize bra goch ou pou kenbe tèt tibebe w la nan tete dwat ou ak kò bebe a nan direkyon bò gòch ou. Yon zòrye sou janm ou ka ede sipòte bra gòch ou.
    2. Mete men gòch ou dousman dèyè zòrèy ak kou tibebe w la, kote pous ak endèks ou dèyè chak zòrèy epi pla men ou ant omoplat tibebe a. Vire kò tibebe a nan sans kò w pou vant ou yo ka ap touche.
    3. Kenbe tete ou tankou ou t ap peze yon sandwich. Pou pwoteje do w, evite bese nan direksyon tibebe w la. Olye de sa, rale tibebe w la sou ou.
    4. Pandan bouch tibebe w la ouvri, pouse dousman avèk pla men gòch ou sou tèt tibebe a pou ede li pran tete a. Asire ou kenbe dwèt ou yo lwen.
    5. Chanje pou tete gòch la.

    Pozisyon sa itil lè:

    • Tibebe w la prematire
    • Tibebe w la souse fèb
    • Tibebe w la bezwen èd pou li rete nan tete a
    • Tibebe a la bezwen sipò anplis pou tèt
    • Ou menm ak tibebe w la konfòtab nan pozisyon sa a
    Football-hold

    POZISYON ANBREYAJ OSWA “FOUTBÒL AMERIKEN”

    1. Pou tete dwat la, kenbe nivo tibebe w la, fas devan sou kote dwat ou.
    2. Mete tèt tibebe w la toupre pwent tete w epi sipòte do li ak janm li anba bra dwat ou.
    3. Kenbe baz tèt tibebe w la avèk pla men dwat ou. Yon zòrye anba bra dwat ou ka ede sipòte pwa tibebe w la.
    4. Pou pwoteje do w, evite bese nan direksyon tibebe w la. Rale li vin jwenn ou pito.
    5. Chanje pou tete gòch la.

    Pozisyon sa itil lè:

    • Ou te fè sezaryèn
    • Ou gen gwo tete
    • Ou gen pwent tete plat oswa envèse
    • Ou gen gwo kantite lèt ki desann
    • W ap bay jimo tete
    • Tibebe w la renmen manje nan pozisyon vètikal
    • Tibebe w la gen refliks
    • Ou menm ak tibebe w la konfòtab nan pozisyon sa a
    CRADLE-HOLD​

    POZISYON BÈSO

    1. Pou tete dwat la, bèse tibebe w la avèk bra dwat ou. Tibebe w la pral sou bò gòch li sou janm ou, fas li nan nivo pwent tete a.
    2. Tèt tibebe w la pral repoze sou avanbra dwat ou kote do tibebe w la ap nan pati pa anndan bra ak pla men ou.
    3. Vire vant tibebe w la nan direksyon vant ou. Men gòch ou lib pou sipòte tete w, si nesesè. Zòrye yo kapab ede sipòte bra ak koud ou.
    4. Pou pwoteje do w, evite bese nan direksyon tibebe w la. Olye de sa, rale tibebe w la sou ou.
    5. Chanje pou tete gòch la.

    Pozisyon sa itil lè:

    • Tibebe w la bezwen èd pou li pran tete w
    • Ou menm ak tibebe w la konfòtab nan pozisyon sa
    laid-back

    POZISYON KAGE

    1. Panche pa dèyè sou yon zòrye kote vant tibebe w la touche pa w epi tèt li nan nivo bra a. Gen kèk manman ki twouve chita prèske drèt fonksyone byen. Lòt yo prefere panche dèyè epi kouche prèske plat.
    2. Ou ka mete machwè tibebe w la sou tete w oswa ou ka vle itilize yon men pou kenbe tete w toupre tibebe w la. Sa depann de ou ak sa ou santi ki mye a.
    3. Tibebe w la natirèlman ap jwenn pwent tete w epi kòmane souse.

    Pozisyon kenbe sa itil lè:

    • Mete tibebe w la sou pwatrin ou touswit apre li fin fèt
    • Ou gen bonkou lèt k ap desann
    • Ou gen gwo tete
    • Ou menm ak tibebe w la konfòtab nan pozisyon sa