Tete Envèse, Plat oswa Trè Gwo

Tete Envèse, Plat oswa Trè Gwo

Gen kèk fanm ki gen pwent tete yo ki vire pa anndan olye pou yo vire pa deyò oswa ki plat epi ki pa depase. Pwent tete yo kapab pafwa vin plat pandan yon ti tan akòz angòjman oswa gonfleman nan bay tete. Pwent tete ki envèse oswa ki plat kapab pafwa rann li pi difisil pou bay tete. Men sonje, pou bay tete a fonksyone, tibebe w la dwe byen pran pwent tete a ak tete a, kidonk menm pwent tete envèse yo ka byen fonksyone. Pwent tete plat ak envèse yo ka soti plis pi devan pandan tibebe a ap tete plis.

Gwo pwent tete yo ka rann li difisil pou tibebe a mete tout areyòl (pati wonn bò pwent tete a) nan bouch li pou konprese kanal lèt la ak jwenn ase lèt.

Pwent tete plat

Pwent tete envèse

Pwent tete ki gwo anpil

SA OU KAPAB FÈ:

  • Pale ak founisè swen sante ou oswa lòt ekspè alètman si ou preyokipe konsènan pwent tete ou.
  • Yon konsiltan nan bay tete kapab ba ou konsèy pou rete pwent tete ou san danje ak alèz.
  • Priz pou tibebe ke manman yo gen pwent tete ki gwo anpil pral amelyore pi devan pandan tibebe a ap grandi. Sa ka pran plizyè semèn pou tibebe w la pran tete byen. Si ou gen yon bon pwodiksyon lèt, tibebe w la ap pwodui ase lèt menm lè li pa pran tete byen.
  • Mande èd si ou gen kesyon konsènan fòm oswa kalite pwent tete ou, espesyalman si tibebe w la gen pwoblèm pou pran tete byen.
Side-Lying-Hold

POZISYON KOUCHE SOU KOTE

  1. Pou tete dwat la, kouche sou bò dwat ou avèk tibebe w la ki ba w fas.
  2. Rale tibebe w la toupre w. Bouch tibebe w la ta dwe nan nivo pwent tete w.
  3. Nan pozisyon sa, ou ka bèse do tibebe w la avèk bra gòch epi soutni tèt ou avèk bra dwa ou ak/oswa zòrye yo.
  4. Kenbe gwo rad ak rad kabann yo lwen tibebe w la.
  5. Chanje pou tete gòch la.

Pozisyon sa itil lè:

  • Ou te gen yon sezaryèn
  • Ou vle repoze pandan w ap bay tibebe a tete.
  • W ap bay tete nan mitan lannuit.
  • Ou menm ak tibebe w la konfòtab nan pozisyon sa
cross-cradle-hold-1

POZISYON TRANSVÈSAL

  1. Pou tete dwat la, itilize bra goch ou pou kenbe tèt tibebe w la nan tete dwat ou ak kò bebe a nan direkyon bò gòch ou. Yon zòrye sou janm ou ka ede sipòte bra gòch ou.
  2. Mete men gòch ou dousman dèyè zòrèy ak kou tibebe w la, kote pous ak endèks ou dèyè chak zòrèy epi pla men ou ant omoplat tibebe a. Vire kò tibebe a nan sans kò w pou vant ou yo ka ap touche.
  3. Kenbe tete ou tankou ou t ap peze yon sandwich. Pou pwoteje do w, evite bese nan direksyon tibebe w la. Olye de sa, rale tibebe w la sou ou.
  4. Pandan bouch tibebe w la ouvri, pouse dousman avèk pla men gòch ou sou tèt tibebe a pou ede li pran tete a. Asire ou kenbe dwèt ou yo lwen.
  5. Chanje pou tete gòch la.

Pozisyon sa itil lè:

  • Tibebe w la prematire
  • Tibebe w la souse fèb
  • Tibebe w la bezwen èd pou li rete nan tete a
  • Tibebe a la bezwen sipò anplis pou tèt
  • Ou menm ak tibebe w la konfòtab nan pozisyon sa a
Football-hold

POZISYON ANBREYAJ OSWA “FOUTBÒL AMERIKEN”

  1. Pou tete dwat la, kenbe nivo tibebe w la, fas devan sou kote dwat ou.
  2. Mete tèt tibebe w la toupre pwent tete w epi sipòte do li ak janm li anba bra dwat ou.
  3. Kenbe baz tèt tibebe w la avèk pla men dwat ou. Yon zòrye anba bra dwat ou ka ede sipòte pwa tibebe w la.
  4. Pou pwoteje do w, evite bese nan direksyon tibebe w la. Rale li vin jwenn ou pito.
  5. Chanje pou tete gòch la.

Pozisyon sa itil lè:

  • Ou te fè sezaryèn
  • Ou gen gwo tete
  • Ou gen pwent tete plat oswa envèse
  • Ou gen gwo kantite lèt ki desann
  • W ap bay jimo tete
  • Tibebe w la renmen manje nan pozisyon vètikal
  • Tibebe w la gen refliks
  • Ou menm ak tibebe w la konfòtab nan pozisyon sa a
CRADLE-HOLD​

POZISYON BÈSO

  1. Pou tete dwat la, bèse tibebe w la avèk bra dwat ou. Tibebe w la pral sou bò gòch li sou janm ou, fas li nan nivo pwent tete a.
  2. Tèt tibebe w la pral repoze sou avanbra dwat ou kote do tibebe w la ap nan pati pa anndan bra ak pla men ou.
  3. Vire vant tibebe w la nan direksyon vant ou. Men gòch ou lib pou sipòte tete w, si nesesè. Zòrye yo kapab ede sipòte bra ak koud ou.
  4. Pou pwoteje do w, evite bese nan direksyon tibebe w la. Olye de sa, rale tibebe w la sou ou.
  5. Chanje pou tete gòch la.

Pozisyon sa itil lè:

  • Tibebe w la bezwen èd pou li pran tete w
  • Ou menm ak tibebe w la konfòtab nan pozisyon sa
laid-back

POZISYON KAGE

  1. Panche pa dèyè sou yon zòrye kote vant tibebe w la touche pa w epi tèt li nan nivo bra a. Gen kèk manman ki twouve chita prèske drèt fonksyone byen. Lòt yo prefere panche dèyè epi kouche prèske plat.
  2. Ou ka mete machwè tibebe w la sou tete w oswa ou ka vle itilize yon men pou kenbe tete w toupre tibebe w la. Sa depann de ou ak sa ou santi ki mye a.
  3. Tibebe w la natirèlman ap jwenn pwent tete w epi kòmane souse.

Pozisyon kenbe sa itil lè:

  • Mete tibebe w la sou pwatrin ou touswit apre li fin fèt
  • Ou gen bonkou lèt k ap desann
  • Ou gen gwo tete
  • Ou menm ak tibebe w la konfòtab nan pozisyon sa