Pwent tete ki fè mal

Pwent tete ki fè mal

Lè ou fèk kòmanse bay tete, ou ka santi pwent tete ou sansib. Yon fwa ou menm ak tibebe ou a abitye, bay tete pa ta dwe fè mal.

Doulè nan pwente yo ka rive:

  • Si tibebe w la pa gen yon bon priz
  • Si tibebe w la tete sèlman nan pwent tete a
  • Si ou retire tibebe w la nan tete w pandan li t ap tete li toujou
  • Si w ap ponpe avèk yon brid ki se pa bon dimansyon an
SoreNipples

SA OU KAPAB FÈ:

  • Tcheke pwent tete ou apre ou fin bay tibebe w la tete
  • - Li ta dwe parèt won ak long oswa menm fòm li te ye anvan ou bay tete
    - Si li parèt plat oswa konprese lè li soti nan bouch tibebe w la, tibebe w la ka tete sèlman nan pwent tete w

Si tibebe w la tete sèlman nan pwent tete w:
1. Sispann tete li nan mete dwèt ou nan kwen bouch li
2. Kite li eseye pran tete ou ankò
3. Gade Gen yon Bon Priz pou plis èd

  • Mande WIC èd pou amelyore priz tete tibebe w la
  • - Yo kapab gade ou k ap bay tete pou dekouvri poukisa ou santi doulè epi ede ou rezoud pwoblèm nan.
  • Eseye chanje pozisyon chak fwa w ap bay tete
  • Apre ou fin bay tete, peze kèk gout lèt soti epi fwote li dousman sou pwent tete ou yo
  • - Lèt matènèl gen pwopriyete gerizon natirèl ak lwil ki kalme.
  • Kite pwent tete ou yo seche nan lè a apre ou fin bay tete epi mete yon mayo koton dou
  • Evite rad sere ak soutyen ki fè presyon sou pwent tete ou yo
  • Mete sèvyèt alètman ki ka lave oswa jete nan soutyen ou pou absòbe ekoulman yo
  • - Chanje souvan
  • Pa itilize savon ki rèd, pomad owa losyon kontraksyon sou pwent tete ou
  • Si pwent tete ou yo fann, itilize savon dou ak dlo pou netwaye yo

Sispann oswa retade alètman kapab lakòz plis doulè ak domaj nan pwodiksyon lèt ou.Anvan ou bay vag, jwenn èd nan men WIC.

Pale ak founisè swen sante ou, WIC, oswa lòt ekspè nan alètman:

  • Si doulè w la pa ale
  • Si doulè w la vini sibitman
  • Anvan ou itilize krèm, tanpon idwojèl oswa yon pwotèj pwent tete

Pwent tete fè mal ka mennen nan enfeksyon tete, sa k ap mande pou yon pwofesyonèl trete li.

Side-Lying-Hold

POZISYON KOUCHE SOU KOTE

  1. Pou tete dwat la, kouche sou bò dwat ou avèk tibebe w la ki ba w fas.
  2. Rale tibebe w la toupre w. Bouch tibebe w la ta dwe nan nivo pwent tete w.
  3. Nan pozisyon sa, ou ka bèse do tibebe w la avèk bra gòch epi soutni tèt ou avèk bra dwa ou ak/oswa zòrye yo.
  4. Kenbe gwo rad ak rad kabann yo lwen tibebe w la.
  5. Chanje pou tete gòch la.

Pozisyon sa itil lè:

  • Ou te gen yon sezaryèn
  • Ou vle repoze pandan w ap bay tibebe a tete.
  • W ap bay tete nan mitan lannuit.
  • Ou menm ak tibebe w la konfòtab nan pozisyon sa
cross-cradle-hold-1

POZISYON TRANSVÈSAL

  1. Pou tete dwat la, itilize bra goch ou pou kenbe tèt tibebe w la nan tete dwat ou ak kò bebe a nan direkyon bò gòch ou. Yon zòrye sou janm ou ka ede sipòte bra gòch ou.
  2. Mete men gòch ou dousman dèyè zòrèy ak kou tibebe w la, kote pous ak endèks ou dèyè chak zòrèy epi pla men ou ant omoplat tibebe a. Vire kò tibebe a nan sans kò w pou vant ou yo ka ap touche.
  3. Kenbe tete ou tankou ou t ap peze yon sandwich. Pou pwoteje do w, evite bese nan direksyon tibebe w la. Olye de sa, rale tibebe w la sou ou.
  4. Pandan bouch tibebe w la ouvri, pouse dousman avèk pla men gòch ou sou tèt tibebe a pou ede li pran tete a. Asire ou kenbe dwèt ou yo lwen.
  5. Chanje pou tete gòch la.

Pozisyon sa itil lè:

  • Tibebe w la prematire
  • Tibebe w la souse fèb
  • Tibebe w la bezwen èd pou li rete nan tete a
  • Tibebe a la bezwen sipò anplis pou tèt
  • Ou menm ak tibebe w la konfòtab nan pozisyon sa a
Football-hold

POZISYON ANBREYAJ OSWA “FOUTBÒL AMERIKEN”

  1. Pou tete dwat la, kenbe nivo tibebe w la, fas devan sou kote dwat ou.
  2. Mete tèt tibebe w la toupre pwent tete w epi sipòte do li ak janm li anba bra dwat ou.
  3. Kenbe baz tèt tibebe w la avèk pla men dwat ou. Yon zòrye anba bra dwat ou ka ede sipòte pwa tibebe w la.
  4. Pou pwoteje do w, evite bese nan direksyon tibebe w la. Rale li vin jwenn ou pito.
  5. Chanje pou tete gòch la.

Pozisyon sa itil lè:

  • Ou te fè sezaryèn
  • Ou gen gwo tete
  • Ou gen pwent tete plat oswa envèse
  • Ou gen gwo kantite lèt ki desann
  • W ap bay jimo tete
  • Tibebe w la renmen manje nan pozisyon vètikal
  • Tibebe w la gen refliks
  • Ou menm ak tibebe w la konfòtab nan pozisyon sa a
CRADLE-HOLD​

POZISYON BÈSO

  1. Pou tete dwat la, bèse tibebe w la avèk bra dwat ou. Tibebe w la pral sou bò gòch li sou janm ou, fas li nan nivo pwent tete a.
  2. Tèt tibebe w la pral repoze sou avanbra dwat ou kote do tibebe w la ap nan pati pa anndan bra ak pla men ou.
  3. Vire vant tibebe w la nan direksyon vant ou. Men gòch ou lib pou sipòte tete w, si nesesè. Zòrye yo kapab ede sipòte bra ak koud ou.
  4. Pou pwoteje do w, evite bese nan direksyon tibebe w la. Olye de sa, rale tibebe w la sou ou.
  5. Chanje pou tete gòch la.

Pozisyon sa itil lè:

  • Tibebe w la bezwen èd pou li pran tete w
  • Ou menm ak tibebe w la konfòtab nan pozisyon sa
laid-back

POZISYON KAGE

  1. Panche pa dèyè sou yon zòrye kote vant tibebe w la touche pa w epi tèt li nan nivo bra a. Gen kèk manman ki twouve chita prèske drèt fonksyone byen. Lòt yo prefere panche dèyè epi kouche prèske plat.
  2. Ou ka mete machwè tibebe w la sou tete w oswa ou ka vle itilize yon men pou kenbe tete w toupre tibebe w la. Sa depann de ou ak sa ou santi ki mye a.
  3. Tibebe w la natirèlman ap jwenn pwent tete w epi kòmane souse.

Pozisyon kenbe sa itil lè:

  • Mete tibebe w la sou pwatrin ou touswit apre li fin fèt
  • Ou gen bonkou lèt k ap desann
  • Ou gen gwo tete
  • Ou menm ak tibebe w la konfòtab nan pozisyon sa